Kadyr jepbar, senden dilegim kändir,
Sen meni namarda mätäç eýleme!
Hazynaňdan beril meniň ryzkymy,
Bendäňi bendäňe mätäç eýleme.

Azaşdyrma dogry ýolum egrige,
Egrini deňleme hergiz dogryga.
Kişi maly nesip etmez ogryga,
Halaly harama mätäç eýleme.

Magtymguly Hakdan dile baryny,
Dilär bolsaň, dile öz imanyňy.
Abat eýle iki gözüm nuryny,
Sag gözüm sol göze mätäç eýleme.

Magtymguly Pyragy