Sen şu halyñ bilen gözelsiñ :

Gadym zamanlarda bir adam dagdan daş oýup gününi görýän eken. Bu mermer ussasy günde gowrujy günüñ aşagynda işlemekden ýadap öz-özi bilen gürleşip zeýrenip ýörer eken. Bir günem "Bizar boldum şu günümden, bizar boldum öler ýaly işlemekden, dag uly men bolsa kiçi, üstesine hemişe depämde şu ýakyjy Gün bar. Wah, şonuñ ýerinde bolup gökden baksam, zemini ýagtyltsam " diýipdir welin bir gudrat bolupdyrda ussa Güne öwrülipdir. Soñ bir gün gökden ýagty saçyp durka gara bulutlar gelipdirde öñüni ýapypdyr. Ussa gaharlanypdyr: " Şujagaz bulutlar meñ ýagtymy ýapyp bilýän bolsa, gün bolmagmyñ peýdasy nä ? Men onda bulut bolmak isleýän" diýipdir welin buluda öwrülipdir şol pursat... Soñra Bulut bolup ýagmyr ýagdyryp geziberipdir. Emma bir gün bolsa Ýel gelipdirde Buludy paýradypdyr. Ussa ýene gazaplanypdyr: Ýel gelip meni eýläk-beýläk süýräp bilýän bolsa Ýel Bulutdan has güýçli. Ýel bolaýyn diýipdir we bu dilegem kabul bolupdyr. Ussa indi ýel bolup 4 tarapa öwsüp, tüweleýler turuzyp ýören eken welin öñünden bir dag çykypdyrda Ýeli saklapdyr. Ussa ýene gaharlanypdyrda " Şu hereketsiz ýatan dagam ýelden güýçli bolsa men iñ gowsy Dag bolaýyn" diýipdir we daga öwrülipdir. Ussa uly dag bolup durup başlapdyr welin bir ýerine üznüksiz urulýandygny syzypdyr. Seredip görse bir adam dagy urup oýup duran eken...
(Unutma, sen şu halyñ bilen gözelsiñ )
E-Kitap: Kalbin temizse hikayen mutlu biter
Yazar: Hakan Mengüç
Dili: Türkçe