Meşhurlar çagalykda kim bolmagy arzuw etdikä?



🔹Amerikan kino sungatynyň meşhur ýyldyzy Julia Roberts aktýorlar maşgalasynda dünýä inendigine garamazdan, weterinar bolmagy arzuw edipdir. Ol şol döwürde kino älemine girmek hakda pikir hem etmändi. Ol bu karara dogany Erik Robertsiň kino äleminde meşhurlyk gazanmagy bilen geldi.

🔹Meşhur aýdymçy Aleksandr Buýnow kakasy ýaly harby uçarman bolmagy maksat edinipdir. Emma ol aýdym-saz sungaty bilen gyzyklanyp başlandygyny özi-de bilmän galypdyr.

🔹2010-njy ýylda futbol boýunça dünýä çempiony bolan ispaniýaly futbolçy S.Ramos çagalykda tenor (öküz söweşijisi) bolmagy ýüregine düwüpdir. Onuň tersine, italiýaly meşhur tenor (öküz söweşijisi) Luçano Pawarotti dünýä belli futbolçy bolmagy arzuw edipdir. Emma ol çagalygynda aýagyny agyr ýaralandygy sebäpli bu arzuwyndan el çekmeli bolupdyr.

🔹Fransuz film ýyldyzy Pýer Rişar çagalykdan aktýor bolmagy ýüregine düwüpdir. Emma onuň aristokratlar maşgalasyndan bolan atasy oňa garşy çykypdyr. Muňa garamazdan, Pýeriň bu ugra ýykgyn etmek karary onuň köp garyndaşlary bilen gatnaşyklarynyň kesilmegine sebäp bolupdyr.

🔹Aktrisa Ç.Hamatowa ilkibaşda sahnadan uzak bolan bir hünäri, ýagny ykdysatçy bolmagy saýlapdyr. Ol Kazan maliýe we ykdysadyýet institutyna okuwa başlady, emma ony tamamlaman, Kazandaky teatr mekdebine girdi we meşhur aktrisa bolup ýetişdi.

🔹Belli žurnalist T.Kandelaki öz ejesiniň göreldesine eýerip, hirurg lukmany bolmagy maksat edinipdir. Ýöne ol az wagtdan bu ugra bolan höwesiniň azlygy üçin Tbilisi uniwersitetiniň žurnalistika hünärini ele alypdyr.