Ýüreklerde ýatanlar kän,
Özi ýitmän, ýitenler kän.
Okalmadyk setirler kän,
Belki bu seniň üçindir.

Bir gül ýokdur müň çemenden,
Bir sen ýoksuň müň jemenden,
Her söz başy, her jemimde
Belki bu seniň üçindir.

Ömrüň yşka bergisi bar,
Göwnüň başga çelgisi bar,
Her jümlämiň belgisi bar,
Belki bu seniň üçindir.

Gün alýarka, bulut berse,
Undup bormy, unut diýseň?!
Bir gün menäm bu ýurt söýse
Belki bu seniň üçindir.

Ylham GURBANALYÝEW (2024)