Surat: gazeta.ru

ABŞ-da ýaşaýan 110 ýaşly Winsent Dransfild özüniň uzak ýaşynyň syryny açdy, onuň taryhyny WNBC neşiri paýlaşdy diýip, «Gazeta.ru» ýazýar.

Dransfild 1914-nji ýylyň 28-nji martynda doguldy, 1945-nji ýyldan bäri Nýu-Jersi ştatynyň Litl-Fols diýen ýerindäki öýünde ýaşaýar. Ol 60 ýyldan gowrak awtoulag ussasy bolup işländen soňra aýalynyň haýyşy boýunça pensiýa çykdy.

Pensioner özüniň uzak ýaşamagynyň syrynyň ýaşka oňat iýip-içendigi bilen düşündirýär. Ýetginjekkä ol süýt fermasynda işläpdir. Şol ýerde ol köp süýt içipdir, bu-da onuň uzak we sagdyn ýaşamagyna sebäp bolupdyr.

«Men kän süýt içerdim, oňat naharlanardym. Süýt meniň süňklerimiň berk bolmagyna sebäp boldy diýip pikir edýärin» diýip, ol gürrüň berýär.

Pensioner şeýle-de uzak ýaşynyň ýene bir sebäbini adamlara hoşamaý bolmagynda we durmuşa ruhubelent garamagynda görýär.

«Men işim şowuna bolmadyk ýagdaýlarynda ruhdan düşmezlige çalyşýaryn» diýip, Dransfild nygtady