Meniňki bolsun

Saýraýyp, owadan goşgy ýazaýyn
Şol ylham joşguny meniňki bolsun
Yssy söýgüm,setirlerme salaýyn
Ujy kütelmeýän galamym bolsun

Ter açýan gülleriň waspyn edeýin
Galam bilen uzak menzil gideýin
Ylmyň gapysyndan sağdan ädeýin
Şol mukaddes ylym meniňki bolsun

Hyzmatymy gaýgyrmaýyn,eçeýin
Kyn ýollardan kän ýykylman geçeyin
Ylham atlu kitap gatyn açaýyn
Men ýazaýyn goşgym siziňki bolsun

Besdir inni duşman,dosdum tanaýyn.
Şum pikiri ýagşylyga ýanaýyn
Damja-damja Hazar suwun sanaýyn
Çykýan halal derim meniňki bolsun

Päline büdresin bahyl betpáller
Aýdyň halal doğsun atýan her daňlar
Maňa ýamanlygyň ýüzün örtýänler
Geçirimlik ýene meniňki bolsun

Wasp edeýin goja-goja şahyry
Täzeden ýazaýyn Zöhre-Tahyry
Garaz bu goşgymyň aýtsam,ahyry
Alyň bar baýlygym siziňki bolsun
Allahym Göwheriň arzuwyn eýle
Şahyr adyn almak meniňki bolsun

22.04.2020ý Şyhberdiýewa Göwher