Ýeriñ böwrün ökjeledim, ýol aşdym,
Wagt böwrüm ökjeledi gartaşdym.
Didelermiñ sonasyny gark etdi,
Ýaşylbaş zeminiñ mymyk perleri.
Zerre muhabbeti ýer bile ýegsan,
Pamyk kalplar,
Polat bolup döredi.
Adamzat!
Nirede?
Nirede ynsap?
Sen Adam ogly!
Aperin saña!
Abyl bilen Kabyly hakyda salyp,
Meniñ nyşanyma öwrülen,
Ynsan!
Men melgunyñ hut özi!
Ondada siziñ!
Ýüregiñizi böwsüp,
Neşterimi sokup, zährim paýlajak,
Ýeñsäñizden pyçak bilen sünçgüläp,
Erbet pişelere iterip bilýän!
Men şo...
Emma, siziñ bolşuñyzdan,
Meniñ mährim oýandy!
Ot ýanýan garagymda,
Gyzyl ýaşlar göründi!
Meñ kärimi elimden aldyñyz muzdsyz!
Zalym siz!
Rehimsiz, ganhor adam siz!

© Remezan MÄMETGURBANOW