Maña "şygry taşla" diýme,
Öçer ýüzümiň şuglasy.
Onsoň, duýgularmyň geler,
Oýan-buýan urunasy.

Ylham menden öÿkeläýse,
Bagyşlap bilmen özümi.
Ümdüzine tutdyrar ol,
Kim doldurar öwezini?!

Senmi?! Seniň ornuň başga,
Näzik ýüregmiň teýinde.
Kapasadan çykar meni,
Özerkime gezeýin-le.

Seret, şygrym ganat saýyp,
Göge sary uçuşyma.
Soňra bolsa Poeziýaň,
gujagyna gaçyşyma.

Sen bulary nirden biljek,
Şygyrlarma gyzykmasaň.
Sada dilde aýdaýynmy,
Eger, göwnümi ýykmasaň?!

Höçjet gylygňy taşla-da,
Ýürekdeşim, ber ygtyýar.
"Ýaz-da, derdiňi gowzat" diý,
Etmek isleseň bagtyýar.

Çynar Myradowna