Ahmal bolsaň, gözüň pidasy borsuň,
Ahmal bolsaň, diliň pidasy borsuň.
Nebis kükregiňden çenelen gülle,
Ömürboýy gazanan bar abraýyň
Ahmal bolsaň, döker ýekeje günde.
Göwnüne ýetme ýok, bu ynjyk janyň.
Sen duşmanyň özge ýerden gözleme,
Seniň özüňdedir ähli duşmanyň.
Adam bolup dünýä indiň bäbejik,
Kyndyr adam bolup ýaşamak,
şeksiz!
Ýa-ha seni söýýän Gülüň gul eder,
Ýa-da seni gara günüň gul eder.
Eşeksiň sen eger münülýän bolsaň,
Eger münýän bolsaň ýene eşeksiň.