Ojaklar ýykyldy ýalan söz bilen,
Göwünler ýykyldy ýaman söz bilen.
Bir söz üçin dostlar gitdi oňuşman,
Bir söz üçin ýarlar ýitdi gowuşman.

Hawa, bir söz ýürekleri bulady,
Ýene bir söz gidenleri dolady,
Çyn söze ynanman ogly azdyrdyk,
Ýalana ynanyp gyzy ýazgardyk.

Dogan ara açdy sözüň üstünde,
Ýogsa, orny bardy gözüň üstinde,
Süýji sözläp müň beladan gutuldyk,
Ajy sözläp ähli ýerde utuldyk.

Sözdür biziň dünýämizi kül etýän,
Sözdür biziň dünýämizi gül etýän,
Süýji söze endik etsin agyzlar,
Gulaklarda orun tapsyn wagyzlar.

Dil belaly, diş galaly nakyl bar,
Ähliňizde düşünje bar akyl bar,
Geliň onda söze üns bereliň,
Bir iki üç kim başarýar göreliň.