Ertir.. Ertir kimler üçin täze başlangyç, kimler üçin soñy. Käbirleri üçin ertir uly işleriñ başlangyjy bolsa, käbirleri üçin ýönekeýje "ertir".  Aslynda ertir näme boljagyny bilýän adam ýok.
Ertir - meniñ pikirimçe töwekgellik. Ertir - bu bir gapy. Ol gapy saña ýa açylar ýa açylmaz. Töwekgel ýagdaý şeýledälmi? "Bu günki işiñi ertire goýma" diýen nakyl ýöne ýere däl-ä. "Bugün göreniñ ertir ýok". Bugün biriniñ göwnüne degen bolsañ, belki ertir ötünç soramak üçin ony tapmarsyñ. Bugüne düýniñ ertiri bilen geldik, ertirimiz hem bugünümize görä bolar.
Ertir - bir alma agajy bolsa, ertirki günler hem ondaky almalardyr. Ol agajyñ aşagragyndaky almalary aldykça ýokarsyndakylara ýetmek kynlaşýar. Afrikada açlykdan we keselden ejir çekýän ynsanlaryñ, şol ertiriñ almasyndan almak üçin nä derejede çyrpynýanlaryny bilýän bolsañyz gerek?!  Wah ertir.. Sen ne beýle süýji ekeniñ? Saña doýan ynsan ýok..

***
Bugün 20.04.2024.. Ertir men ömrümiñ ýene bir basgançagyny basjak günüm. Ynsan her näçe basgançagy basyp ýokary gidýändirin öýtse-de, aslynda özi bilmezden aşak gidýär. Haçan-da basmaga basgançak galmadyk wagty, aýaklar ýere ýetende özüni eýýäm gara topraga garylanyny görer. Aýdarlar: "Baky uka gitdi" diýip. Aslynda biziñ huş diýp bilýänimiziñ, bu dünýäniñ wagtlaýyn pursadynda görýänimiziñ ählisi düýş. Ynsanlar bolsa ýene bäş minut düýş görmäniñ yşgynda tutaşýar. Belki bugünki görýän düýşümizden ertir oýanarys. Ýa-da ertir hem bugünki düýşümiziñ dowamyny görersimi?


© Ömürdag Tagandurdyýew