SUSSUPESSIMIZM

Çyrşamana ak kagyza syýany,
Dözmeýän dek ýazýanlarmyň ugry ýok.
Her gussany ýazyp ýeňledip bormy?
Dünýäň derdi-kederiniň soňy ýok.

Çöregim şygyrdan berlenok ahyr,
Ýene neçün gola alýan galamym?!
Gümüne gitsin ol gije oýlary:
"Gel, bu gün undaly yşkdan galanyn..."

Tebigat reňkini üýtgedýär diňe,
Garaşýas baharda symrugym geler.
Garlawaçdan başga gelýäniň ýokdur,
Ýyllar geçer gider "Bir gün"-ler bilen...

Aňlaýan geljekden orun tapdyrmaz,
Döwürden yzlygna bakan maňlaýym.
Meni nostalgiýa gitsinler alyp,
"Indiki ýyllarda" düşmän galaýyn.

Dünýäň derdi-kederiniň soňy ýok,
"Gel, bu gün undaly yşkdan galanyn"
Ýyllar täzelener "Bir gün"-ler bilen...
Meni nostalgiýa gitsinler alyp,
"Indiki ýyllarda" düşmän galaýyn.

© Şyhnazar DURDYÝEW