Siriýanyň Damask şäherinde ýerleşýän Bawabet Dimaşk restorany dünýäniň iň uly naharhanasy hökmünde 2008-nji ýylda Ginnesiň Bütindünýä rekordlar kitabyndan orun aldy. Bu äpet restoran ilkinji gezek 2002-nji ýylda halka hyzmat edip başlady. Restoranda 54 müň inedördül metr naharhana, 2500 inedördül metr aşhana bar we bir wagtyň özünde 6014 adama hyzmat etmäge mümkinçilik döredilen.


Restoranda şarlawuklar, suw çüwdürimleri we Siriýanyň arheologik tapyndylaryndan bölekler ýerleşdirilen. Şaker Al Sammanyň eýeçiligindäki hususy restoranda 1800 adam zähmet çekýär.