Watanymdan bolsam sürgün,
Dogduk yerden gõçen aglar.
Sayrak dilden galsam bir gün,
Ejem aglar, ejem aglar.

Tende derdiñ sürse hõküm,
Yzasyny çeken aglar.
Emma saña çümse tiken,
Ejem aglar, ejem aglar.

Yeñse sizi yollañ kyny,
Agyr yoly geçen aglar.
Yeñen biri, yeñlen biri,
Emma yene ejeñ aglar.

Wadasyndan dõnse ol gyz,
Gõzyashyny içen aglar.
Oglum yandy diyip, ogryn
Ejem aglar, ejem aglar.

Meni bir gün yer yuwudar,
Yasha ezilen seçek aglar.
Kyrkymdan soñ yarym unudar,
Ejem aglar,
Ejem aglar.

Kerim Hallyyew