40 ýyllap biriniñ ýüregi bilen ýaşan adam Ginnes rekordlar kitabyna girdi.


Ginnesiñ rekordlar kitaby 57 ýaşly Gollandiýaly Bert Ýanssen ýürek çalşylandan soñ, taryhda iñ uzak ýaşan adamdygyny tassyklady.Ol takmynan 40 ýyl ozal operasiýa edilipdi diýip "BBC" habar berýär.

Ýanssen 17 ýaşynda kardiomiopatiýa diagnozy goýulýar.

Lukmanlar bejergi üçin ýürek transplantasiýasynyñ zerurdygyna karar berdiler. Şol döwürde ýurtda beýle amallar geçirilmändi.

Soñra Ýansseniñ lukmany ony ýürek kesellerine ýöriteleşdirilen Londondaky Hardfild hassahanasyna ugradýar.

Ony meşhur hirurg lukman Magdi Ýakup bejerýär. Soñra bu lukmana lukmançylyk ylymlaryna goşan goşandy üçin "rysar" derejesi berilyär.

Ýürek transplantasiýasy 18 ýaşly Ýanssende keselhana ýerleşdirilenden bir hepde geçen soñ, 1984 - nji ýylyñ 6 - njy aprelinde geçirildi. Näsagyñ sözlerine görä, operasiýadan soñ tiz gutuldy we şondan bäri doly durmuşda ýaşady. Häzirki wagtda Ýansseniñ aýaly we 2 çagasy bar.

Ýansseniñ aýdanlary:
"Men beýle boljagyny düýşümde-de görüp bilmezdim. Meniñ pikirimçe, iñ möhüm zat başymdan geçenler beýleki adamlar üçin möhüm duýduryşdy. Donor ýüregi bilen şu wagta çenli ýaşap boljakdygy resmi taýdan ykrar edildi. Kimdir biri meniñ rekordymy täzelese begenerdim" diýdi.

Ýansseniñ operasiýasy Hardfild keselhanasynda geçirilen 107 - nji ýürek transplantasiýasy boldy. Magdi Ýakup ilkinji gezek bu amaly 1980 - nji ýylda ýerine ýetirdi. Şondan bäri müñlerçe näsag ýürek transplantasiýalaryny aldy we diñe 2022-2023 - nji ýyllarda bu hassahanada 54 ýürek transplantasiýasy geçirildi.


Çeşme: salamnews.tm (10.02.2024)