ÄHLIMIZ MILLIARDER

Öňräk bir dertli, aladaly dostum geldi. Üflat ýagdaýda... Megerem, pulsuzlykdan kösenýändir. Bu bolşuň-a bolanok – diýdim. Sen milliarder halyňa, dünýäden zeýrenýäňmi? Sebäpsiz ýere aladalanýarsyň.

Elbetde, haýran galdy.

– Seret! – diýdim – Eger iki goluňa iki milliard baha kesseler, egniňden goparyp aljak diýseler, satarmyň?

– Satmaryn.

– Ýa-da iki gözüňi bir milliarda satarmyň?

– Satmaryn.

– Iki aýagyňy bäş ýüz milliona?

– Satmaryn.

– Onuň ýaly bolsa, şunça baýlyga eýe halyňa, ahlap-uflap durmaň dogrumy? Azajyk pul kynçylygy hemmeleriň başyna düşýär. Taşla onuň ýaly biderek zatlary!

Adam tikenleriň arasynda güli görüp, begenmegiň ýerine, gülleriň arasynda tiken görüp, arza–şikaýat edýär.

Meseläniň düýbi – şol ters düşünjäniň zyňylmagydyr. Muny başarmaýan bolsa, milliardlara (trillionlara) eýe bolsa-da, ökünýändir.

Gürbüz AZAK

(Dostlara hat, 73.sah, Ýeni Asýa Ýaýınları, 1980)