ÝÖR, OGLUM, MAMA GIDELI!

Däl bu günler çakymyzyň...
Sygjak ýermiz ikimiziň,
Dünýede iň ýakynymyz,
Ýör, oglum, mama gideli!

Asyl-ha, syr bermez ile,
Kyrk sanalandyr, «Kyrk çile»,
Intizardyr gözi ýola,
Ýör, oglum, mama gideli!

Ömür gyzyl-gara sowsan,
Geçer gider nämä sowsaň,
«Eje» diýer, mähre suwsan,
Ýör, oglum, mama gideli!

Basar seni, meni bagra,
Bu duýgular sygmaz şygra,
Gowzasyn içim bir töwra,
Ýör, oglum, mama gideli!

Galpak, inji paýyň diýip,
Göterjek ýok daýyň diýip,
Aýdyp berer hüwdä salyp,
Ýör, oglum, mama gideli!

© Ogulnur ATAÝEWA