Aýaly aldama etme hyýanat
Ol seni aldasa weýran bolarsyň
Ynamyny döwmek uly jenaýat
Öz etiňi iýip haýwan bolarsyň

Aýaly aldama ol seni söýüp
Ezizleýän çagy kalbyňa uýup
Lowlaýan ot bilýändir ertir doňup
Durmuşyň oýnuna haýran bolarsyň

Aýaly aldama ol ene ol ýar
Gursakda päkize ýüregi bolýar
Şek ýetse owadan güllerem solýar
Bir uly günäni boýlan bolarsyň