Amerikanyñ raýaty eliniñ barmaklarynyñ dyrnaklarynyñ uzynlygy bilen Ginnesiñ rekordlar kitabyna girdi. Bu zenanyñ dyrnaklarynyñ umumy uzynlygy 42 fut we 10, 4 dýuýmdyr (1300 santimetrden gowrak)


Bu ýerde gürrüñ Minnesota ştatynyñ ýaşaýjysy Diane Armstrong barada barýar. Onuñ ady Ginnesiñ rekordlar kitabyna her iki eliniñ barmaklarynyñ iñ uzyn dyrnaklary hökmünde girizildi. Bu ýagdaý hünärmenler tarapyndan ýörite enjamlar bilen geçirilen ölçeg işlerinden soñ mälim boldy.


Zenanyñ aýtmagyna görä, ol dyrnagyny 25 ýyldan bäri uzaldýar. Onuñ iñ uzyn dyrnagy sag eliniñ baş barmagyndadyr. Şol dyrnak has çalt ösýär. Onuñ uzynlygy 4 fut we 6,7 dýuýmdyr (122 santimetrden gowrak). Iñ gysga dyrnagy bolsa çep elindäki külbike barmagyndakydyr. Onuñ uzynlygy bolsa 3 fut 7 dýuýmdyr (92 santimetrden gowrak).


Amerikaly zenan gyzy Latişa 16 ýaşynda aradan çykandan soñra uzadyp başlapdyr. Onuñ aýtmagyna görä, diñe gyzy onuñ barmagynyñ dyrnaklaryna ideg edýän eken.


Aslynda, olary boýamak şeýle agyr iş welin, her dört-bäş ýylda dyrnaklaryny boýaýar. Bu amal üçin 15- 20 çüýşe dyrnak boýagy gerek bolýar.


Çeşme: atavatan-turkmenistan.com (04.08.2022)