Ýaşaýyş görki

Tebigatyň gözelligini diýsene,
Görk beripdur zemine bu mawy asman.
Asmanyň ýüzünden sypaýan bulut,
Ýerde yzyny goýýar, aýagyny basman.

Pasyllaryñ ajaplygyny diýsene,
Her biri özüçe hökmüni sürýär.
Kä ülkäni gary bilen gujaklap,
Kä ýerleri al-ýaşyla boýaýar.

Ekinleriñ hasyllaryny diýsene,
Alla bereketini eçiler ýalkap.
Serçeler begenip, oýnap küşt depýär,
Boýy ýeten şalynyñ zülpünden sypap.

Ýurdumyzyñ asudalygyny diýsene,
Agzybir halkymyz, il-gün abadan.
Tebigatyñ ähli gözelligine baý,
Bu diýarda dogulanyma buýsanýan.


© Ömürdag Tagandurdyýew