Goşa gumry ýaly bileje boluň!
Bagtyňyz daş ýaryp ýaýrasyn ile.
Goý tebigat gujak-gujak gül berip,
Gutlasyn aşygy magşugy bilen!

Elmydama söýgiňiz syr bolup galsyn,
Gözleriňiz ogryn-ogryn sözleşsin!
Aýly gijeler hem parlak ýyldyzlar,
Bagtyňyz barada syrly sözleşsin!

Ömür sürüň döwran sürüň agzybir!
Hiç gaçyrmaň birek-birege sylagy,
Özümize siziňki dek bagt diläp,
Ikiňizi maňlaýmyza sylalyň.