Dostluk

Iki dostuň sözleri azaşyp, öýkeleşipdir. Olaryň biri ähli tanyşlaryň ýanyna baryp dostuny ýamanlap ugrapdyr.Ýöne ep-esli wagt geçensoň köşeşipdir-de, bu eden işine ökünipdir. Ol ötünç soramak üçin dostynyň ýanyna barypdyr. Şonda dosty şeýle diýipdir"
- Bolýa, men seni bagyşlaýan. Ýöne bir şert bilen.
+ O nähili şert? -diýip dosty sorapdyr.
- Bir ýassyk al-da, onuņ içindäki ähli perlerini ýeliň ugruna parladyp göýber- diýipdir.

Dosty onuň aýdyşy ýaly edip bir ýassyga alyp, ýyrtypdyr-da, içindäki perleriniň baryny ýeliň ugruna sowrup göýberipdir. Köwserlap öwüsýän batly şemal bolsa ýassygyň ýeleklerini obanyň çar tarapyna sürüp äkidipdir.

Eden işine monça bolan dosty gelip:

+ Dost jan, tabşyran ýumuşuňa bitirendirin. Indi meni bagyşlarsyň gerek?- diýipdir.


-Elbetde, sen ähli perleri yzyna ýygnasaň .diýip jogap beripdir.


Hawa, perleri yzyna ýygnamak kyn iş.
Eýýäm, oba ýaýran, ýaramaz gürrüňleri hem yzyna ýygnap bolmaýar. Söz diliňden çykýança, seniň ýesiriň, sypansoň, sen onuň ýesiri.