Biribarym

awtor: Şanazar Hydyrow📜
Biribarym, bu ýalançy dünýede,
Namartlaryñ zadyna zar eýleme.
Öz-özüne hoşallyk bar hemmede,
Öz kemini görmeýän kör eýleme.

Kemsindirme, baksam deñi-duşlara,
Ynandyrma alasarmyk düýşlere,
Barybir, çäre ýok boljak işlere,
Göwni was-was, gursagy dar eýleme.

Özüme görä däl adama duşup,
Ýalançyñ üstünde basmaýyn gyşyk,
Güýç ber kyn ýollary geçmäge aşyp,
Uzak menzillerde hor, har eýleme.

Gullaryna sermezden hiç elimi,
Mätäç bolman görsem bolýar günümi,
Bir gün meñ gapymy kakjak ölümi,
Öz nobatyndan ir bir eýleme.