Sen şeýle bir gyza öýlen
Aýamasyn hyzmatyny.
Bir minudam duruzmasyn
Öýi, ojagyñ gyzmasyny.

Sen şeýle bir gyza öýlen
Hözir görsün ene-atañ.
Erkekçilik, kämahaljyk
Bagyşlansyn ownuk hatañ.

Sen şeýle bir gyza öýlen
Kowsun dawa, şeri añdan.
Şatlygyñy möhüm görsün
Imodan, türk serýaldan.

Sen şeýle bir gyza öýlen
Dynçlyk bolsun ir gijiñde.
Öýde rahatlyk bolmasa
Rowaçlyk bolmaz işiñde.

Sen şeýle bir gyza öýlen
Arman bolmasyn ykbala.
Şeýtanyñ güýji ýetmesin
Guran ojagyñ ýykmana.

✒Kerim Hallyýew