"ÝAZ BOLUP GALDY". -
SAPARMYRAT TÜRKMENBAŞY.

Ýeriñ aýasynda - Hak saýasynda. Çagalygym oýun-baz bolup galdy.
Mähriñ mülki, nur ummany ejem jan,
Gursagymda baky ýaz bolup galdy.

Kyrk sekiziñ güýzi, elhenç pajyga
Dünýämi düñderip, aklym çaşyra,
Üç gubura girdi ýuwlup ýaşyma,
Kalbymda öçmejek köz bolup galdy.

Söwer ýaryñ didaryndan ganmadym,
Özgäñ gyşyn gyşlap, ýazyn ýazladym.
Ýar ýoluna ýazan paýandazlarym
Hiç wagt öçmejek yz bolup galdy.

Gül ýaşlykda gönenmedim, gülmedim,
Hijran nirden geldi, bile bilmedim?
Bagrym gan öýdürip söýen dilberim,
Yşkdan ýaradylmyş gyz bolup galdy.

Arşyñ kemerine ýetmiş nazarym,
Şibli deý daglary ýandyr gazabym,
Dünýäniñ yşkynda goşgy-gazalym
Allañ dergähinde raz bolup galdy.