Ýadadym-aý meňzeşlikden!..
Öz-özümi ýigrenýänem
(Mahal-mahal hut şu sebäp
Kalba “pyçak direýänem”).

Şo bir heňde ýaşap ýörmäň
Jansyzlykdan parhy ýok.
Sa:gat ýaly: “jyk, jyk, jyk, jyk...”
Edýän işiň nyrhy ýok.

Eýer ýok diýp syrtymyzda,
Kabul etdik: adammyşyk!
Biz bu dünýäň aldawyna
Dogulmakak aldanmyşyk.

Gör-le dünýäň tilsimjigni:
“Janly” diýip at hem dakmyş!
Jylaw dakmyş agzymyza,
Heý, al kakmyş!