garlawac
24.03.2024 07:28
Birmeňzeş şäherde, meňzeş köçede.
Sen-ä bir ojagyň ýetişen ogly,
Menem bir maşgalaň gyzy ýekeje.
Sen örän az sözli, şeýle bir agras,
Menem çalt öýkelek, näzik göwünli.
Bilmedim, ozaldan birmi ýolumyz?!
Bolduk bir-birege aşa göwünli.
Göwünmi, ýürekmi, bilemok anyk,
Düşünerden duýgularym horaşan.
Gözleriňe baksam özümi görýän,
Ýa sen meň bagtymmy uzak garaşan
Garaşylan ýyllar bagt bolup gelsin,
Günler dowam etsin şeýle rejede.
Şükürim bihasap saňa duşanma,
Birmeňzeş şäherde, meňzeş köçede.
Nurgözel Ýazberdiýewa
