Seniň iki sözüň ýykdy dünýämi
Galdym göýä ganatsyz guşlar kimin
Gezsemde ýylgyryp gaýgysyz ýaly
Meniň üçin dardyr şu äpet zemin

Seniň şol sözüňi eşden badyma
Sähel yaş aýlandy gözüme birden
Belki bu karary oýlanman berdiň
Entek ir dälmidi beýle diýerden

Öňler-ä gezerdik goşa gumry deý
İndi aşyk ýürek sensiz neýlesin
Seni ähli zatdan görýärdim näzik
Ýöne welin islemezdim beýlesin

Mähirli ýüzüňden bilmedim ganyp
İndi göreşsemem ýetmez saňa gol
Seniň iki sözüň ýykdy dünýämi
İň soňky jaňyňda diýdiň bagtly bol