Daýanyp özüme gaçmaryn güýçden
Dik duraryn mydam egmerin serim
Ençe umyt bilen arzuwlar bilen
Sen gelýänçäň garaşaryn esgerim

Tämiz söýgümize borun wepadar
Kalpda şübhe gam bolmasyn roýuňda
Gezerin arzuwlap ýagty geljegi
Beren sözlermizi aýlap oýumda

Garaşaryn garaşmakdan ýadaman
Diňe seň ýoluňa dikip nazarym
Wajyp bir arzuwym gowuşmak ýara
Aýralyga düýpsiz guýy gazaryn

Adyň barka hiç ýürekde öçmejek
Bolubersin aramyzam daş gaty
İne ýar ýanyna dolansaň şonda
Şol aýra günleriň çykar hasraty