Duýgulardan ýana döküljek bolýan,
Püre-pür men, dos-doly men,
diri men!
Ah, şonda-da gözleriňe ilemok.
Başaramok ýüregiňe giribem.

Bulutlary demim bilen süýşürip,
Nurlar sepýän seniň duran ýerlerňe.
Ah, sen bolsa, «Ýagyş ýagýar» diýýäň-de,
Saýawan gözleýäň meniň deregme...

Onsoň pikir bolup, beýniňe girip,
Gygyryp-gygyryp, adymy aýdýan.
Ah, sen bolsa, taşlap ähli işiňi,
Ady menzeş gyzyň ýanyna gaýdýaň...

Şahyrlygmyň, duýgurlygmyň haýrynyň,
degmejek ýerlerem bolaýjak eken.
Alhepus, seniň deý kütek adamam,
Dogulaýjak eken, dogaýjak eken!


Aýgül Garaýewa