Bu ýollary kän geçirdim gözel gyz
Sen maňa durmuşy öwretjek bolma
Küle döndi ýürek biwepalardan
Sen ölen ýüregimi direltjek bolma



Hoş söz aýtma gussaly çagym gelip
Ömür seni söýerin diýme söz berip
Ölüme gidermiň maňa el berip
Bilmeýän ertekiň diňletjek bolma



Ýigren meni,beter ýigren ýürekden
Çörekden doýmakam ,doýdum minnetden
Allahym ýol berse ýetik Jennetden
Başka ýoda meni ýöretjek bolma



Diýen sözlerime diýme hiç ýalan
Ýürekden kagyza geçirýä galam
Köplüge göz etmäý diýdirmäý ýaman
Başarmasaň sözüň ýöretjek bolma



Garaýew Döwlet (Musilman)