Durmuş nowellalary (3-nji bölüm)

Ykbalyň peşgeşi


Agşam gijiräk ýatanym üçin men ir bilen ýerimden galasym gelmedi.Säheriň salkynjak şemalyna meýmiräp ýatmak şeýle bir hezildi . Hasam serçejikleriň jürküldisi maňa ajaýyp hüwdi bolup eşdilýärdi.Ahyry men  :

-Gerçek , Gerçek tur oglum eýýäm daň atdy. Perişdeleriň rysgal paýlaýan wagty tur balam, ýatma-   diýip yzygiderli  gaýtalanýan ejemiň  sesine turmaly boldym.Ala ukyly ýagdaýda sagada seretdim. Sagat ýedi bolupdy. Göwnüme bolmasa irden wagt juda çalt geçýärdi.Soňra ala ukyly ýagdaýda daşaryk çykdym. Elini-ýüzüni ýuwup ertirlik edindim. Soňra okuw eşikerini geýip mekdebe ugradym. Öýden çykanymam şoldy welin edil şol wagt ilerimden gyz klasdaşym Aýjemal hem gelýänini görüp ,onuň ýanyna golaýlap:

- Aýjemal gowymy ? -diýip salamlaşdym.Aýjemal güler ýüz bilen:

-Gowy, özüň gowumy klasdaş ?!- diýip ýylgyrdy.Men :

-Hudaýa şükür menem gowy - diýdim. Soňra biziň  söhbetimiz  gyzygyp gitdi.

-Aýjemal düýn edebiýat dersinde Aman Kekilow barada sapak geçirildi bilýäňmi?
-Howwa bilýän. Aman Kekilowyň "Söýgi" romamynam okadym.
-Men-ä okamadym . Dogrusy bilemogam olar ýaly kitaby.
-Wi şahyr bolup şonam bileňokmy?
-Sende barmy şo kitap?
-Menem internetden aldym. Internetde bar-a
-Hä bolýar onda menem alaýaryn.
-Özem sen goşgy ýazmakda etrap boýunça üçinji ýer bolupsyňa
-Ýoklaý. Kim diýýär ony?
-Aýna mollum diýýär.
-Men-ä goşgy ýazmakda üçinji ýer bolamok
-Gülöserem saňa salam aýtdy
-Kim Gülöwser
-Klasdaşyň
-Goýsanaý Gülöwserem maňa salam aýdarmaý . Ola maňa seredenogam
Biz özara söhbetleşip mekdebe nähili gelenlerinimizi  hem duýman galdypdyrys . Soňra jaň kakyldy. Okuwçylar hatara durulýan ýere ýygnanşyp başladylar . Okuwçylar we mugallymlar bir ýere jemleneninden soň ilki bilen döwlet senasy ýaňlandy. Hemmeler sag elini ýüreginiň üstünde goýup gimine goşuldylar. Soňra mekdep müdüri Rejepgeldi Annageldiýew hemmeleriň öňüne çykyp çykyş etdi.

-Salam hormatly mugallymlar we okuwçylar. Ine bu gün hem siziň bilen didarlaşýanyma örän şat. Gözel diýarymyzda biziň her bir günümiz şanly wakalara , buýsançly senelere beslenýär. Ine nesip bolsa sanlyja günden şanly Garaşsyzlygymyzyň 20 ýyllyk toýy ýetip gelýär...
Mekdep müdüriniň ýüzi gülüp durdy. Ol nämede bolsa bir zada ýürekden begenýärdi.
-Şu ýerde esasy bellemeli zat arada mukaddes Garaşsyzlygymyzyň şanly 20 ýyllyk toýy mynasybetli , Ahal welaýatynda , okuwçylaryň arasynda goşgy ýazmak bäsleşigi geçirildi. Şol bäsleşigede biziň mekdebimizden bir okuwçy gatnaşyp etrap boýunça üçünji ýere mynasyp boldy.Tüweleme meniň-ä özüm okuwçylarmyň şeýle bäsleşiklere gatnaşyp sylaglanýanyna ýürekden begenýän. Geliň indi söz nobatyny  okuw müdüri Aýna Nökerowa geçireliň.

Soňra Aýna mugallym biraz öňe çykdy-da elindäki hormat haty okady:

-Mukaddes Garaşsyzlygymyzyň şanly 20 ýyllyk toýy mynasybetli "Watany wasp edýär çaga ýüregim" diýen şygar bilen , mekdep okuwçylaryň arasynda geçirilen şygyr bäsleşiginiň etrap tapgyrynda 3-nji orny eýelän , 8-nji orta mekdebiniň okuwçysy Gerçeknazar  Amannazarow sylaglanýar.

Men gözlerime has dogrysy gulaklaryma ynanmaýardym. Hakykatdan hem Aýjemalyň aýdanlary dogry eken . Dogrysy men şol wagta çenli şeýle döredijilik bäsleşiklerine hiç hili gatnaşyp görmändim. Bu bäsleşige nädip gatnaşyp , nädip üçünji orna mynasyp bolanyma özemem geň galdym. Elbetde bäsleşige men  dälde goşgym gatnaşypdy.Çagakam goşgularymy gizlin ýazardym, gizlin saklardym. Olary özbaşdak okardym, özbaşdak guwanardym.Ýöne indi tersine. Şu wagtam şolar ýaly özbaşdak bolup biläýsedim. Emma meniň bu gizlinligimi klasdaşym Mahym açyga çykardy. Günlerde bir gün men bir goşgymy ýazyp , ony ýatdan çykaryp , partanyň aşagynda goýup gidipdirin. Mahym bolsa ol goşgumy alyp, klasdaşlaryma we mugallymlaryma görkezipdi. Şondan soňra olaryň maňa bolan garaýyşlary üýtgäp başlady. Hamana men goşgy ýazýamyşym, goşgy ýazýan bolsa ýöne-möne adam dälmişin. Hasam synp ýolbaşçymyz Juma mugallym meni birneme süýregleýärdi. Ylaýtada ol türkmen dili we edebiýaty dersinden okadan soň edebiýaty hormatlaýardy. Durmuşymdaky iň uly öwrülişikleriň biride şol waka bolupdy. Bir gün Juma mugallym maňa watan barada goşgy ýazmagy teklip edipdi. Meniňem ol wagtlar esasy işim, höwesim goşgy ýazmakdy. Hasam o döwürler dowarlaryň yzynda , açyk howada , açyk zehin bilen , şirinden-şirin şygyrlar dörederdim.Eger bäsleşige hödürlenjedini bilsedim , onuň üçin has owadan goşgular ýazyp biljekdim.Emma Juma mugallymyň özi hem şol ýazan goşgymyň bäşleşige hödürlenjegini bilmeýärdi. Bir gün onuň  kärdeşi okuw müdiri Aýna mugallym goşgyny okap:

-Bu goşgyny bäsleşige ugratmaly- diýip teklip  beripdi. Şygry şol günüň özünde "Ahal durmuşy"gazetiniň yglan eden "Watany wasp edýär çaga ýüregi"diýen şygar bilen mekdep okuwçylarynyň arasynda geçiriljek şygyr bäsleşigine ýolladylar. Ine-de onuň netijesi.

Men ýaýdana-ýaýdana mekdep müdüriniň  ýanyna bardym . Rejepgeldi Annageldiýew sag eli bilen meniň elimi gysyp:

-Gutlaýan-diýip ,çep eli hormat hatymy gowşurdy. Şowhunly el çarpyşmalaryň bolsa yzy üzülmeýärdi. Hemmeler begenşýärdiler, ýaş şahyra  guwanýardylar. Hawa hakykatdanam bu diňe meniň däl tutuş mekdebiň abraýna abraý goşupdy.Şol gün meniň durmuşynda örän uly öwrülişik bolupdy. Öňler meniň şygyr ýazýanymy hiç kim bilmeýärdi. Indi bolsa meniň öňünden çykan goşgy ýazyp bermegini haýyş edip başladylar. Gyzlar özlerini wasp edip şanyna şygyr ýazylmagyny isleseler, oglanlar özleriniň halaýan gyzlaryna gowy goşgular  ýazdyrasy gelýärdi. Men hem olaryň isleglerini kanagatlandyrmak üçin öňkilerdenem has köp eserler döredýärdim. 

(Dowamy bar)

Gerçeknazar Amannazarow