Bar-da...😔🥀☘️

Gün irden gyzaryp dogýaram welin,
“Hä” diýmänkäñ onuñ ýaşmasy barda...
Gije bilen oñşup bolýaram welin,
Derdiñe dertleri goşmasy bar-da...

Ýaz bilen goşulyp, sähra jan geler, Synlamaga ynsan juda kän geler,
Hat-da janlanypdyr gury töññeler,
...Güýz gelip ýapragy düşmesi bar-da...

Adam elmydama sungata aşyk,
Onda beýgelen bar menziller aşyp,
Kä-te ap-ak zada “gararak” diýşip,
Köpleriñ talanta bişmesi bar-da...

Iññe gowy zatdyr ulanyp bilseñ,
Ýerem gazyp boljak ugrundan gelseñ, Zyýanly tarapy, usulsyz bolsañ,
Eliñi ganadyp deşmesi bar-da...

Hanha dünýä meşhur, gözel garagum, Depesine gömseñ bişer çöregiñ,
Hat-da tümmeklerem wepañ deregin, Tutman ondan oña göçmesi bar-da...

Wezipä buýsanyp kakma döşüñi,
Diliñi berk gora gysyp dişiñi,
Mysal etjek muña asman daşyny,
Çäkden çyksa Ýere gaçmasy bar-da...

Puluñ durup biler ýerbe-ýer sowsañ,
Ýitjegi ikuçly kadasyn döwseñ,
Adam pahyr sähel rysgaly çüwse,
Ynsap diýlen zatdan geçmesi bar-da...

Diñlemek mukaddes ussat kelamyn, Bärsinden gaýtarar müñ bir belanyñ,
Zyýan däl kadaly içseñ şerabam,
Çäksiz içseñ syryñ açmasy bar-da...

Mesän günüñ, pese bakyp şükür et,
Pesän günüñ, mese bakyp pikir et, “Çümdüm” diýen günüñ bagtyñ getirip, Guşdek al asmana uçmasy bar-da...

✍️KerimHallyyew