Seni söýýärin

Ynanyber, gara çynym,
Men diñe seni söýýärin.
Üýtgemeýän sözdür sözüm,
Men diñe seni söýýärin.

Syna, synaglarña kaýyl,
Ýöne özge gyz bilen däl.
Birden göwnüne degsem nä,
Men diñe seni söýýärin.

Lebleñde bal toplanypdyr,
Alaýyn tiz, ýogsa akdy:r.
Ynan, bagtyñ gülüp bakdy,
Men diñe seni söýýärin.

Dälsiñ asla köpüñ biri,
Sen gelip, bu kalbym diri.
Dünýäñ däl, dünýämiñ hüýri,
Men diñe seni söýýärin.

Söýgim söýgiñe gowuşsyn,
Birleşdireli päk yşgy.
Soñ, öý:me aýagyñ düşsin,
Men diñe seni söýýärin.

Şirnazar Taganow