Ýazmadym maşgala eklejek bolup,
Men sungatyň aşygy däl, dälisi.
Dil bilen Käbäni ýykmajak bolup,
Öýkeletdim poeziýa şalygy.

Aýdylmadyk aýdymlarym armanda,
Çişip-çişip duýgylarym dolupdyr.
Adamlaram seredişýär asmandan,
Akja garlar şahasyndan tänip dur.

Bulutlaň içinde urýaryn kürek,
Dünýe suwa gark bolana meňzeýär.
Sähelçe şemala möwjeme ýürek!
Hiç kim girip bilmez däli deňziňe.

Ýüregiňi açda giň dünýä seret,
Guşlaň arasynda gaýyp bilýäňmi?!
Derdinme, seň derdiň aýt kime gerek ?
Öňem aladasy ýetik dünýäniň.

Gara gatyşykly söýgüm ýagyp dur,
Sergin şemal ogurlady ýazanym.
Sähel söze didelerim dolup dur,
Serden geçip ,ýüregimi ýazaryn.

Ýazaryn men , gözleýärin köp zady,
Internetde, kitaplarda... ýok zady.

Gerçeknazar Amannazarow