Gadym döwirlerde täze bir ýaş gelin düşen öýiniñ duluna girip oña göz aýlanynda ýokarda asylgy duran palta gözi düşýär. Gelin şol paltany görenden derrew ses edip aglamana başlaýar. Özem ala-goh edip hemmäniň ýüregini ýaryp barýarmyş. Gelini näçe köşeşdirjegem bolsalar ol köşeşenokdy. Şeýlelikde, birnäçe günden soñ geliniñ ýagdaýyny ejesine ýetirýärler. Geliniñ ejesi "Balama näme bolýarka, özim bir baryp göreýin" diýip gyzynyň ýanyna
barýar. Gyzyndan näme üçin aglaýanyny
soraýar. Gyzy oña "Dulumyzda palta asylgy dur. Men entek ýaş gelin. Meniñ çagam bolsa, olam şu ýerlerde oýnap ulalar. Eger çagam şol ýere, palta asylgy duran ýere barsa palta hem onuñ kellesine gaçsa men nãderin'" diýip oñkidenem beter gygyryp aglaýarmyşyn. Gyzynyñ sözlerini diñländen soñ onuñ ejesi hem gyzyndan beter gygyryp
"Wah wah-eý, balajygymyñ çagajygy...
diýip aglap başlaýar. Şeýlelikde, il arasynda "Palta, gaçar etmesene" diýen jümleler döreýär. Munuň taryhy hem şeýle bolan eken!

Hazynam.app