Sowuklyk...

Gülkiň nämedigin unudypdyryn,

Ýanymdakaň şatlyk bilen jebisdim.

Ýoklugyňda gursagyma sygmadyk

Gara derdi ak kagyza egisdim.



Güneşli Asmany gaplap bulutlar,

Kem ýaly bolup dur, sensiz birzadym.

Köp zat islemedim, her gün sesiňi

Birje gezek eşitsemem yrzadym.



Barlygyňam kalbymy kän gozganok

Oňa sepeläpsiň hili pes awy.

Ne-hä öňküler deý gürleşip bilýäs,

Ne-de gürrüň edip bilýäs mesawy.



Bilmedim, biz gaçjak bolup uçgundan

Oda düşüp, uçradykmy kyna ýa?

Aşyklaň rakyby hijran hanjaryn

Enteklerem salanokmy gyna ýa?

Indi meni diňe ýoklugyň däl-de,

Bar wagtyňam sowuk söýgiň gynaýar.

Baky Amanýazow