Üç posa

Öñkiden güýçlener söýgiñ,
Seni üç sapar ogşasam.
Şatlyga öwrüler gaýgyñ,
Seni üç sapar ogşasam.

Sözüm ýykyp, goýsañ ýerde,
Ýolugaryn agyr derde.
Göge uçjak ýeke men däl,
Seni üç sapar ogşasam.

Lebleñ çagyrýar ýanyna,
Şoñ üçin " ýok " diýme maña...
Baldan beter ýarar jana,
Seni üç sapar ogşasam.

Posalarym başgaçadyr,
Ynanmasañ, subudyn gör.
Akyl goýar duýga gadyr,
Seni üç sapar ogşasam.

Meý içen dek serhoş borsuñ,
Ýöne özüñ ýitirmersiñ.
" Ýene gaýtala " diýersiñ,
Seni üç sapar ogşasam.

Şirnazar Taganow