Ylham Seýilgähinde
YLHAM SEÝILGÄHINDE


Men bir gyzy aldap söýdüm...
Bu nähili aldawly söýgi. Men ony bilemok.
Geçen asyr ýaşap geçen şahyrlarymyzyň we Orta asyrlarda ýaşap geçen güýçli yslam alymlarymyzyň ýadygärlikleriniň garşysynda men öz dünýä gözelime garaşyp otyryn.
Ine birden ol daş-töweregine garaňjaklap, eýläk-beýläk ýöräp meni gözleýär. Men bolsam oturan ýerimden derhal turup onuň ýanyna gadamly ädimlerim bilen bardym-da ''Salam'' berdim. Ol menden ötünç soraýar garaşdyranym üçin. Men bolsam ýaňy gelen ýaly, ör-gökden geldim-de: ''Menem şu wagt geldim'' diýip, ony rahatlandyryp ony aldanlygyma begendim.
Özümiň garyp oglandygymy, hiç ýerde işlemeýändigimi aýdyp ynandyryp ýene ony aldap gezdim.
Halaşyp ýörenimize ençeme wagt geçdi. Biz birek-birege düşünişýäris. Biziň aramyzda gahar-gazap bilen zat çözülmedi. Birek-birege ysnyşdyk. Soň men ýüregimde çişiň bardygyny, ahyr bir gün öljekdigimi oňa aýtdym. Ol şonda gaty erbet boldy... Egnimde kellesini goýup gujaklap aglady.
Men şonda onuň oturan oturgyjynyň öňüne geçip, onuň dyzyna çöküp menem agladym. Soň men özümiň duşuşykda şol gün kän garaşandygymy, özümiň garyp oglan däldigini, ine bu gün bolsa ýüregimde hiç hili çişiň ýokdugyny, özümiňem ölmejekdigimi oňa aýdyp berdimdänim nädip onuň öňünden aýrylyp ylgap, gaçandygymy hiç ýadymdan çykaryp bilemok. Şonda ol meni şeýle bir kowalady welin, onuň gahary depesine urdy. Soň ol meni tutdy-da otluga ýatyryp, üstüme geçip ýaman erbet edip urdy welin, gaýdyp ony aldamajagyma söz berdim...