Garşymda täze ýol belentli pesli,
Bilmedim gaýtsammy, gaýtmasammy.
Bu duýga uçramandym wagt ep-esli,
Bilmedim aýtsammy, aýtmasammy.

Ýazsam duýgylarmy şygyra baglap,
Bentleri nagyşly bir dessan bolar.
Ýollasam bezäp gül çemene baglap,
Giden bir owadan bag-bossan bolar.

Kalbyma ornaşan bu tanyş duýgy,
Göýä gursagymy deşäýjek ýaly.
Der basandeý başym basdy bir gaýgy,
Gök asman üzülip gaçaýjak ýaly.

Ýitirmekden gorkýan şeýlebir gorkýan,
Şirin janym däl, seni ýitirmekden.
Ýüz öwürer öýdip aýtmaga gorkýan,
Erbedi ýok bagtyñy gidirmekden.


Awtory: Ömürdag Tagandurdyýew.