Depämden bir bedre söýgi döküldi,
Ezilmedim, üşemedim, ýandym men.
Dikin ýaly damarlarym söküldi,
Awça düşen ördek-gaza döndüm men.

Ýagyş ýorgan boldy, düşek gar maña,
Öz göwnümden başga göwün dar maña,
Hasrat doly käseleri ýar maña,
Bagş eýledi, içdim-içdim doýdum men.

Yşk ekdim, bagt ormaga synanyşdym,
Ne derde, ne sensizlige öwrenşdim,
Bu ýaşa dek arman ýolundan geçdim,
Bagtsyzlygyñ girdabyna düşdüm men.



Awtory: Ömürdag Tagandurdyýew