Belli psiholog-pedagog zenan Kerol Dwegiň  "Aklyňy iň dogry şekilde ulan" atly bestseller kitaby birnäçe adamyň durmuşyny üýtgedendigi, has dogrusy gözelleşdirindigi gürrüňsizdir. Kitapda esasan iki düşünje: dogabitdi we kämilleşýän düşünjeler barada gözleg işleriniň netijesine esaslanan maglumatlar berilýär.
Adamlaryň iki görnüşi bar: ynsanyň ukyplary, başarnyklary dogabitdi, üýtgewsiz diýýänler we ynsan hemişe kämilleşip bilýär diýýänler.
Käbir okuwçylaryň pikiriçe  sen ýa-ha zehinli ýa-da zehinsiz. Mekdepde alýan bahalaryň seniň nähilidigi görkezýär. Olar üýtgewsiz. Zehinsizlik, şowsuzlyk saňa basylan tagma. Bu diňe şowsuz, zehinsiz çagalara degişli däl. Zehinlilerem men zehinli, üstünlikli, diňe men ukyply diýip pikir edýärler. Has erbedem olar sähel şowsuzlyga uçrasalar, olar üçin dünýäniň soňy. Ilki özünden başga hemmeleri günäkärlärler, soňra depressiýa düşüp, özlerini ile gereksiz diýip pikirlenip başlaýarlar. Bu aýdylanlar diňe okuwçylara däl, eýsem türgenler, mugallymlar, telekeçiler, işewürler, direktorlar, tälimçiler....umuman "dogabitdi" düşünjelileriň hemmesine mahsus.
Bular ýaly ýagdaýlarda "kämilleşýän" düşünjelileriň düşünjeleri dogry şekilde bolýar: üstünlik bu üznüksiz kämilleşmegiň netijesi, islendik bir şowsuzlyk bu geljekki üstünliklere tarap ajyja ädim.  Olar şowsuzlyga uçrasalaram dowam edip, ahyrsoňy üstünlige ýetmegi başarýarlar. Kitapda ýokarky aýdylanlary tassyklaýan, hakyky wakalara esaslanýan mysallar getirilen. Ahyrky netijede hem hemişe "kämilleşmeli" diýen düşünjelileriň "dogabitdi" düşünjelilere görä has bagtly ýaşaýandyklaryna göz ýetirse bolar.
P.S. Kitaby okamak isleseňiz gmail adresiňizi goýaýyň teswirde.