Diregim sowuk diwarlar,
Söýenjim ýalñyz özlügim,
Kine, gussa bilen bakmañ!,
Bilmändim yşgyñ közlügin.

Ýaşajyk, ýaşajak wagtym,
Görjek wagtym gowylygy,
Ömri bimany sowurýan,
Geljege sary howlugyp.

Akyl berýän akyllylar,
Ilki kemimi gözleýär,
Gözlem ýüzümde ýerleşýär,
Asyl ýeñsäme sözlemäñ!...

Ýoklugym bilmesin bagtym,
Hyýallarym hamsykmasyn,
Meni menden alyp gitjek,
Ruhymy gam sykmasyn.

Gidenmi duýmasyn zemin,
Meniñ täsin gelişim kän,
Gözlerim ýumlaýsa...,
Gorkmañ!,
Bu ilkinji ölüşim däl.

Baýram Bejidov