Seniñ söýgiñ bilen meni hemişe,

Dünýäniñ kirinden ýuwar ýüregim.

Seniñ bilen bagly hyýallarymy,

Umyt sergisinde goýar ýüregim.

Gursakda atylyp her böküşinde,

Bir seniñ adyñy sanar ýüregim.

Damarda gaýnaýan gan akymynda,

Saña barýan ýoly yzlar ýüregim.

Ýaşamak üçin alýan her deminde,

Gije-gündiz seni küýsär ýüregim.

Hüýr gözeller içre mestan gezsem-de,

Elmydama seni söýer ýüregim.

Bir gün biläýse, indi ýoklugyñy,

Meni Jähennemde ýakar ýüregim.

Gark eder özüni jebir kölüne,

Hasrat girdabyna batar ýüregim.

Awtory: Ömürdag Tagandurdyýew.