Ejem

Señ söýgiñden näçe gansam doýamok
Barlygyñda gaýgy- gussa duýamok
Mähre çoýup asla ýalñyz goýañok
Dünýede baryña müñ şükür ejem !

Señ saýañda ornumy törde tapdym
Ömrüm günlerini şatlyga sapdym
Meñ üçin ir säher külçeler ýapdyñ
Dünýede baryña müñ şükür ejem!

Il kemim gözlese egnim gysmadym
Sebäp seniñ bilen kemim syzmadym
Gülleýär, gül açýar senle kysmatym
Dünýede baryña müñ şükür ejem!

Üze bilmen, ak süýdüñe bergimi
Özüñ dagatýarsyñ, gaýgy sergimi
Sende tapýan ýaralarma sargymy
Ýanymda baryña müñ şükür ejem!

Zilola Jepbarowa