Biz hem bu seýilgähe geleris,
Agaýyn-dostlaryñ gerdeninde.
Daşlara meñzäp sessiz ýatarys,
Zyýaratlara gelenlerinde.

Gürlemek bolmaz soñra bu ýerde,
Ulag höwesi, howlukmaçlyk ýok.
Uçramak ýokdyr yşk diýen derde,
Iş-güýç derdi ýok, pulyñ derdi ýok.

Bu ýerde bolmaz hassa-keselli,
Ölümden başga dünýe ýalandyr.
Her kime imany bolsun teselli,
Bolmasa öleniñ haly ýamandyr.


Awtory: Ömürdag Tagandurdyýew