"Ýykyl dünýe bas meni,
Gözüm görmesin seni,"
Ýatlap sen giden güni,
Aglaýaryn ezizim.

Söýmeýaniň dogrumy,
Nä seň kalbyň ogrumy,
Sensiz ýürek bagrymy,
Daglaýaryn ezizim.

Etdi ykbal öwrümi,
Sanja saldy böwrümi,
Seni ýatlap göwnümi,
Çaglaýaryn ezizim.

Ýalan çykdy sözleriň,
Ýakdy goýan közleriň,
Ýaşa baglap gözlerim,
Çyglaýaryn ezizim.

Erkim gitdi özümden,
Närza söýen gyzymdan,
Arzuwlarmyň yzyndan,
Galgaýaryn ezizim.

Süleýman Tekäýew