Ýapon ýazyjysy Rie Kudan 2024-nji ýylda abraýly Akutagawa edebiýat baýragyna eýe bolan romanynyň bir böleginiň ChatGPT ýaly generatiw emeli aňyň kömegi bilen ýazylandygyny boýun aldy. Ol bu barada Tokioda geçirilen metbugat ýygnagynda habar berdi.

Ol sýužeti emeli aň bilen ayrylmaz baglanyşykly bolan «Tokyo-to Dojo-to» (Tokionyň duýgudaşlyk diňi) romany üçin Akutagawa baýragyna eýe boldy. Eseriň mazmunynyň esasynda Uzak bolmadyk geljegiň Tokiosynda ýaşaýan zenan binagäriň durmuş hekaýaty durýar. Ol jenaýatçylaryň rahat saklanýan belent diňiniň taslamasyny taýýarlaýar.

— Käwagt başga biri bilen paýlaşyp bilmejek pikirlerim dörände emeli aňa yüz tutýaryn. Bu kitaby ýazanymda ChatGPT ýaly generatiw emeli aňdan peýdalandym. Kitabyň, takmynan, 5 göterimi emeli aň tarapyndan döredilen sözlemlerden ybarat diýsemem boljak. Men ony netijeli ulanmak arkaly, başarnygymy ýüze çykarmaga mümkinçilik berýän romanlar ýazmagy dowam etmek isleýärin – diýip, Rie Kudan metbugat ýygnagynda belledi.

Ýapon edebiýatynyň nusgawy ýazyjysy Rýunoske Akutagawa baýragy 1935-nji ýylda döredildi. Ol dürli ýyllarda Kobo Abe we edebiýat boýunça Nobel baýragynyň eýesi Kendzaburo Oe yaly meşhur ýapon ýazyjylaryna gowşuryldy.