Ejeñ garaşýar
Ýaşarsyñ kä ýeñip, käte ýykylyp
Ömir bar ýerinde hökman göreş bar
Bir zady duý, basan çagy ýekelik
Ejeñ elmydama saña garaşýar!
Ejesiz öýlerde mähir göýdiger
Bir ýylgyrşy bilen ömri söýdirer
Belkide duýdurmaz, belki duýdurar
Ejeñ elmydama saña garaşýar!
Käbäñ barmy, sende dünýäñ genji bar
Hoş söze keýp edip göwniñ eljirär
Nurly gözin dikip gapa, penjirä
Ejeñ elmydama saña garaşýar!
Görmäge gel undup ara daşlygyn
"Ejem" diýseñ rugsat berer başlygyñ
Körpemiñ, juwanmyñ, ýa çal saçlymyñ
Ejeñ elmydama saña garaşýar!
Alyp bolmaz onuñ dogasyn töläp
Gürleş, kalbyñ sesin diliñde eläp
Bişiren duzuna "Bismilla" diläp
Ejeñ elmydama saña garaşýar!
Belki ikilikdir ilden bahalañ
Ýazgarýaka, bütin älem jahanam
Senden hemme kişiñ ýadan mahalam
Ejeñ elmydama saña garaşýar!
Kerim Hallyýew.