Ýadadym bu dünýäň, ýalan sözünden,
Maňa hüwdi aýdyp bersene Eje.
Öňkiň ýaly gorap, duşman gözünden,
Maňa hüwdi aýdyp bersene Eje.

Ähli ýalan sözler sem bolar ýaly,
Gursagym gysylsa dem bolar ýaly.
Ýaraly ýüregime em bolar ýaly,
Maňa hüwdi aýdyp bersene Eje.

Dogry, durmuş sen däl lälik saklanok,
Arkaýyn bol Käbäm, men ejizlämok.
Seni küýsäp, näçe günler uklamok,
Maňa hüwdi aýdyp bersene Eje.

Garaňky gijäme şem bolar ýaly,
Ähli aladalam gum bolar ýaly.
Ýenede doganlam jem bolar ýaly,
Maňa hüwdi aýdyp bersene Eje.

Gujagyň aç, gujagyňa dolaýyn,
Öňkim ýaly, gaýgy gamsyz güleýin.
Bir pursat, ýenede çaga bolaýyn,
Maňa hüwdi aýdyp bersene Eje.